Baatein !

Thodi si roshni
Door kisi pahad se aati hai
Na jaane kyu zindgi
Aaj panchi ki tara gunguna rahi hai

Thdi dheemi , thodi timtimati
Thdi jhilmilati jaati hai
Kisi panchi ki tarah ye bilkul
Azaadi ke liye jhatpatati  hai

Ya yun kahe,
 ki kisi nrityaka ki tarah
Ghungroo pairo mai bandh
Dheeme dheeme
Madhur sa shor machati hai

Yahi to baatein hoti hai
Jinhe sannate  mai bhi hawa gungaati hai
Ya yun kahu ki ye raat meri saheli bankar
Chupke se mere geet gungunati  hai

Jugnoo bhi sunte hai
Aur kehne ko jhingoor bhi
Meri khamoshi ko awaaz bhi dete hai
Aur sang kuch kehte bhi hai kabhi

Bas mai hu aur
ye shaam Ki thodi baatein hai baaki
Kuch adhure kisse keh jaati hai
Aur na jaane kitne kuch sun, apne sang le jaati hai

Sadaiv aage bhadhna tu !

Toofani ki kashti mai yun hi sar utha ke chalta jaa tu
Na thama tha tu, na ruka hai tu, na thamega tu

Darna nahi kisi ke jhoothe behkaawe se
Ya phir galti se na aana tu kisi ki meethi baaton mai
Apna nishchay , apni neev karke buland tu
Sadaiv age badhta raha hai tu, sadaiv aage bhadhna tu

Ye na sochna ki yadi duniya ke niyam na mane maine to kya hoga
Na sochna tu ki kuch naya apna paryatan na karu
Anokha tu , adbhut tu ,
apni khud ki anokhi pehchan tu

Har maidaan fateh kar yun hi aage badte reh tu

Koshish asafal hone se haar na hogi
Himmat todne se jeet sakaar na hogi
Apne hausle bandh tu , safalta ke shikare pe savaar tu
Jaanbaaz  buland hunkaar ka sanchar tu

Ye neela asmaan ye bairagi duniya
Inpe Apne dam par vijay ki prahar kar tu

Jo badha hai wo jeeta hai, jo ruka wo khoya
Atal rehne wali pehchaan sakaar kar tu

Na jhukna tu na harna tu

Hausle buland kar, sapne saakaaar kar tu

Apni misaal ka duniya ko izhaar kar tu


Na rukna tu na jhukna tu... sadaiv aage badhna tu, sadev aage bharna tu !!